Даара ҳгәы ҳнархьит гәыԥҩык аԥсуа ҷкәынцәа иҟарҵаз аԥшьгара азы, ҳазҭахыугьы ҳазҭахымгьы ирбо ираҳауа агәынамӡара ахьаашәырԥшыз. Аҳәатәы ыҟазаргьы - ианҳәатәым ҳәа аамҭак ыҟоуп. Ҳашьцәа, ауаҩ дуура ҳабжьнамхааит. Кыр зҵазкуа аҷкәынцәа раԥшьгара Ҭырқәтәылатәи Апарламент адепутатцәа рҿы ахаҵгылара аиуа ианалага аамҭаз - аус ҳаԥырхагамхап, аҷкәынцәа ҳрывагылап! Ацәҳар ацәа анахыҵуа ауп ацәа анахырхуа!
Ҭырқәтәыла иҟоу Аԥсны ахаҭарнак Ибрагим Аҩӡба ишиҳәаз еиԥш, иахьа Ҭырқәтәылеи Аԥсныи рыбжьара амҩа аартреи, аԥсуа паспорт аус арыуреи, Аԥсны ахьыԥшымреи ирҿагыло ауаҩы дыҟазар - уи ажәлар драӷоуп!
Ҳауаажәлар шәхаҵкы! Ҳаибачҳар, ҳаидгылар ԥхьаҟа ҳусқәа, хымԥада иманшәалахоит!
Кәарҷиа Валери Еремеи-иԥа академик.
